ബഷീർ മുളിവയലിന്‍റെ മൂന്ന് കവിതകൾ

ഘടികാരം
ലോകമൊരു വൃത്തം
കാലുകൾ സമയസൂചികൾ
നെഞ്ചിൽ മിടിപ്പ്
'നിലച്ചുപോകുമോ എന്നപേടി '

രതിപാനം
അവൾ പുഞ്ചിരിയിട്ടിളക്കിയ ചായക്കോപ്പ നീട്ടി
'വിടർന്നചുണ്ടെന്ന് '
ഞാനതെൻ ചുണ്ടുകൾക്കിടയിൽ വച്ചു ഞങ്ങളിരുവരും രതി പാനംചെയ്തു മൂർച്ഛിക്കുന്നു.

പൂവ്
പൂപോലെ മനോഹരമായ
ഇലകളുള്ള ചെടിയൊന്ന്
വീട്ടു മുറ്റത്ത് നട്ടു
ഇലകളെല്ലാം പൂവായ അതിൽ
ഇല തളിർത്തു കാണാനൊരു കൊതി ' പൂവിടുന്നു'