ഡിട്രോയിറ്റ് സിനഗോഗ് പ്രസിഡന്റ് സാമന്ത വോൾ കുത്തേറ്റ് മരിച്ച നിലയിൽ

ഡിട്രോയിറ്റ്∙ ഡിട്രോയിറ്റ് സിനഗോഗ് പ്രസിഡന്റ് സാമന്ത വോളിനെ  ശനിയാഴ്ച രാവിലെ നഗരത്തിലെ ലഫായെറ്റ് പാർക്കിന് സമീപത്തുള്ള വീടിന് പുറത്ത് കുത്തേറ്റു മരിച്ച നിലയിൽ കണ്ടെത്തി.ജോലിയറ്റ് പ്ലേസിലെ 1300 ബ്ലോക്കിലാണ് മൃതദേഹം കണ്ടെത്തിയത് ഒന്നിലധികം തവണ ശരീരത്തിൽ കുത്തേറ്റിട്ടുണ്ട്.

40 കാരിയായ സാമന്ത വോൾ, ഐസക് അഗ്രീ ഡൗൺടൗൺ ഡിട്രോയിറ്റ് സിനഗോഗിനെ നയിക്കുന്നതിന് പുറമെ  ഡെമോക്രാറ്റായ അറ്റോർണി ജനറൽ ഡാന നെസ്സലിന്റെ തിരഞ്ഞെടുപ്പ് പ്രചാരണത്തിലും സജീവമായിരുന്നു . 2019 മുതൽ 2021 വരെ ഡപ്യൂട്ടി ഡിസ്ട്രിക്റ്റ് മാനേജരായി യുഎസ് പ്രതിനിധി എലിസ സ്ലോട്ട്കിന് വേണ്ടിയും  വോൾ പ്രവർത്തിച്ചിരുന്നു 

അതേസമയം, സാമന്തയുടെ കൊലപാതകത്തിൽ പൊലീസ് അന്വേഷണം പുരോഗമിക്കുകയാണ്. എത്രയും വേഗം കുറ്റവാളിയെ നിയമത്തിന് മുന്നിൽ കൊണ്ടുവരുമെന്ന് പൊലീസ് അറിയിച്ചു.