കാനഡ വീസ: ഓഫർ ലെറ്ററിന്റെ ആധികാരികത ഉറപ്പാക്കാൻ പോർട്ടൽ; മറുപടിയില്ലെങ്കിൽ അപേക്ഷ തള്ളും, ഫീസ് തിരികെ
Mail This Article
×
ടൊറന്റോ ∙ വിദേശ വിദ്യാർഥികൾ വീസ അപേക്ഷയ്ക്കൊപ്പം നൽകുന്ന ഓഫർ ലെറ്ററിന്റെ ആധികാരികത ഉറപ്പു വരുത്താൻ കാനഡ പുതിയ പോർട്ടൽ ആരംഭിച്ചു. പോർട്ടലിൽ സമർപ്പിക്കുന്ന ലെറ്റർ ഓഫ് അക്സപ്റ്റൻസ് യഥാർഥമെന്നു ബന്ധപ്പെട്ട വിദ്യാഭ്യാസ സ്ഥാപനം 10 ദിവസത്തിനകം സ്ഥിരീകരിച്ചാൽ മാത്രമേ വീസ അപേക്ഷയിൽ തുടർനടപടികൾ സ്വീകരിക്കൂ. രാജ്യത്ത് വിദേശ വിദ്യാർഥികളെ സ്വീകരിക്കാൻ അനുമതിയുള്ള വിദ്യാഭ്യാസ സ്ഥാപനങ്ങൾക്കു മാത്രമേ പോർട്ടലിൽ പ്രവേശിക്കാനാകൂ.
വിദ്യാഭ്യാസ സ്ഥാപനത്തിന്റെ മറുപടിയില്ലെങ്കിൽ അപേക്ഷ തള്ളും. ഫീസ് വിദ്യാർഥിക്കു തിരികെ നൽകുകയും ചെയ്യും. വിദ്യാർഥികൾ തട്ടിപ്പിനിരയാകാതിരിക്കാനുള്ള മുൻകരുതലെന്ന നിലയിലാണു പുതിയ സംവിധാനമെന്ന് ഇമിഗ്രേഷൻ റെഫ്യൂജീസ് ആൻഡ് സിറ്റിസൻഷിപ് കാനഡ (ഐആർസിസി) അറിയിച്ചു.
English Summary:
Canada Visa: Portal to Authenticate Offer Letter; If there is no reply, the application will be rejected and the fee will be refunded
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.