ഫോമാ തിരഞ്ഞെടുപ്പ്: ടീം യുണൈറ്റഡിന് ഫ്ലോറിഡയിൽ നിന്ന് വൻ സ്വീകരണം

ന്യൂയോർക്ക്∙ ന്യൂയോർക്ക് ആസ്ഥാനമായുള്ള അമേരിക്കൻ മലയാളികളുടെ സംഘടനയായ ഫോമയുടെ രണ്ടു വർഷത്തേക്കുള്ള ഭരണസമിതിയെ തെരഞ്ഞെടുക്കാൻ നടക്കുന്ന  തിരഞ്ഞെടുപ്പിൽ മത്സരിക്കുന്ന "ടീം യുണൈറ്റഡ്" ഫ്ലോറിഡയിലെ വിവിധ സംഘടനകളിൽ നിന്ന് പിന്തുണ നേടുന്നു.

ടീം യുണൈറ്റഡിന്‍റെ  നേതൃത്വത്തിൽ താഴെപ്പറയുന്നവർ  തിരഞ്ഞെടുപ്പിൽ മത്സരിക്കുന്നു:
പ്രസിഡന്‍റ് സ്ഥാനാർഥി: ബേബി മണക്കുന്നേൽ
ജനറൽ സെക്രട്ടറി സ്ഥാനാർഥി: ബൈജു വർഗ്ഗീസ്
ട്രഷറർ സ്ഥാനാർഥി: സിജിൽ ജോർജ് പാലക്കലോടി
വൈസ് പ്രസിഡന്‍റ് സ്ഥാനാർഥി: ഷാലു പുന്നൂസ്
ജോയിന്‍റ് സെക്രട്ടറി സ്ഥാനാർഥി: പോൾ പി. ജോസ്
ജോയിന്‍റ് ട്രഷറർ സ്ഥാനാർഥി: അനുപമ കൃഷ്ണൻ

കഴിഞ്ഞ ദിവസം മലയാളി അസോസിയേഷൻ ഓഫ് സെൻട്രൽ ഫ്ലോറിഡയുടെ (MCAF) കൾച്ചറൽ സെന്‍ററിൽ നടന്ന സ്വീകരണ യോഗത്തിൽ ടീം യുണൈറ്റഡിന് പിന്തുണ പ്രഖ്യാപിച്ച്  MCAF, റ്റാംപ ബേ മലയാളി അസോസിയേഷൻ (TMA), കേരളാ അസോസിയേഷൻ ഓഫ് സെൻട്രൽ ഫ്ലോറിഡ എന്നീ സംഘടനകളിലെ നിരവധി അംഗങ്ങളും നേതാക്കളും പങ്കെടുത്തു.

ഫോമയെ അടുത്ത തലത്തിലേക്ക് ഉയർത്താൻ തങ്ങളെ തിരഞ്ഞെടുത്താൽ ടീം യുണൈറ്റഡിന്‍റെ  പദ്ധതികളും ആശയങ്ങളും  ട്രഷറർ സ്ഥാനാർഥി സിജിൽ പാലക്കലോടി വിശദീകരിച്ചു. വിശദീകരിച്ചു. ഫോമയുടെ ഭാവി നയിക്കാൻ ഏറ്റവും അനുയോജ്യരായവരാണ് ടീം യുണൈറ്റഡിലെ അംഗങ്ങളെന്ന് അവർ വാദിച്ചു. ഫോമയുടെ മുൻ ജനറൽ സെക്രട്ടറി ടി. ഉണ്ണികൃഷ്ണൻ, ഫോമാ നാഷനൽ കമ്മിറ്റി അംഗം ജോമോൻ ആന്‍റണി, ഫോമയുടെ മുൻ റീജനൽ വൈസ് പ്രസിഡന്‍റ് ജയിംസ് ഇല്ലിക്കൽ, റ്റാംപ ബേ മലയാളി അസോസിയേഷൻ പ്രസിഡന്‍റ് ബാബു ദേവസിയ, ഫോമാ മുൻ റീജനൽ വൈസ് പ്രസിഡന്‍റ് ബിനു മാമ്പിള്ളി , വിവിധ സംഘടനാ നേതാക്കളായ ടോമി മാളികപ്പുറത്ത്, സജി കരിമ്പന്നൂർ, ഷാജു ഔസെഫ്, ഡാനിയേൽ ചെറിയാൻ, ഷീല ഷാജു, അമ്മിണി ചെറിയാൻ, ജോൺസൺ, സജി കാവിന്‍റരികത്ത്  തുടങ്ങിയവർ ഈ യോഗത്തിൽ പങ്കെടുത്തു.