ഡാലസ് ഫോർട്ട് വർത്ത് രാജ്യാന്തര വിമാനത്താവളത്തിലെ പാർക്കിങ് നിരക്കുകളിലെ വർധന നിലവിൽ വന്നു

ഡാലസ്∙ ഡാലസ് ഫോർട്ട് വർത്ത് രാജ്യാന്തര വിമാനത്താവളത്തിലെ (DFW) പാർക്കിങ് നിരക്കുകളിലെ വർധന നിലവിൽ വന്നു. ഇന്നലെ മുതലാണ് വർധന നടപ്പായത്.  ഇതോടെ പ്രതിദിനം $2 മുതൽ $5 വരെയാണ് നിരക്ക് വർധിച്ചു. ടെർമിനൽ പാർക്കിങ് നിരക്ക് $27 ൽ നിന്ന് $32 ആയും എക്സ്പ്രസ് കവർ ചെയ്ത പാർക്കിങ് $18 ൽ നിന്ന് $21 ആയും വർധിച്ചിട്ടുണ്ട്. മറ്റ് പാർക്കിങ് ഓപ്ഷനുകളുടെ നിരക്കുകളും കൂടും. 

ഈ വർധനവ് നിലവിലുള്ള അടിസ്ഥാന സൗകര്യങ്ങളും സേവനങ്ങളും മെച്ചപ്പെടുത്തുന്നതിനുള്ള ഫണ്ടിന് വേണ്ടിയാണ്. ഫോർട്ട് വർത്ത് വിമാനത്താവളത്തിന്റെ വിപുലീകരണത്തിനും ഈ പണം വിനിയോഗിക്കും. ഏഴ് വർഷത്തിനിടെ രണ്ടാം തവണയാണ് ഡാലസ് ഫോർട്ട് വർത്ത് രാജ്യാന്തര വിമാനത്താവളത്തിലെ പാർക്കിങ് നിരക്ക് വർധിപ്പിക്കുന്നത്.