ജസ്റ്റിൻ ബീബറിന് ആൺകുഞ്ഞ്; പേര് വെളിപ്പെടുത്തി താരം

ന്യൂയോർക്ക്∙  ലോകപ്രശസ്ത പോപ്പ് താരം ജസ്റ്റിൻ ബീബറിനും ഭാര്യ ഹെയ്‌ലി ബീബറിനും കുഞ്ഞ് ജനിച്ചു. ഒരു ആൺകുഞ്ഞിന്‍റെ പിതാവായ വിവരം ജസ്റ്റിൻ തന്നെയാണ് സമൂഹ മാധ്യമത്തിലൂടെ ആരാധകരുമായി പങ്കുവെച്ചത്. വെള്ളിയാഴ്ചയായിരുന്നു കുഞ്ഞിന്‍റെ ജനനം. തന്‍റെ ഇൻസ്റ്റഗ്രാം പേജിൽ കുഞ്ഞിന്‍റെ കാലിന്‍റെ ചിത്രം പങ്കുവെച്ചുകൊണ്ട് 'ജാക്ക് ബ്ലൂസ് ബീബർ, വീട്ടിലേക്ക് സ്വാഗതം' എന്ന അടിക്കുറിപ്പോടെയാണ് ജസ്റ്റിൻ ഈ സന്തോഷ വാർത്ത ലോകത്തെ അറിയിച്ചത്. 

2018-ൽ വിവാഹിതരായ ജസ്റ്റിൻ ബീബറും ഹെയ്‌ലി ബീബറും ഒരു കുഞ്ഞിനായി ആഗ്രഹിച്ചിരുന്നതായി വെളിപ്പെടുത്തിയിരുന്നു. ഈ സന്തോഷ വാർത്ത കേട്ട് ആരാധകർ സമൂഹ മാധ്യമങ്ങളിൽ ആശംസകളുമായി എത്തിയിട്ടുണ്ട്.