ഡാൻ ഇവാൻസ് അന്തരിച്ചു; വിട വാങ്ങിയത് വാഷിങ്‌ടൻ മുൻ ഗവർണർ

സിയാറ്റിൽ ∙ മൂന്ന് തവണ വാഷിങ്‌ടൻ ഗവർണറായി സേവനമനുഷ്ഠിച്ച ഡാൻ  ഇവാൻസ് (98) അന്തരിച്ചു. റിപ്പബ്ലിക്കൻ പാർട്ടിയിൽ അംഗമായിരുന്ന ഡാൻ വാഷിങ്‌ടൻ സർവകലാശാലയിൽ റീജന്‍റായി സേവനമനുഷ്ഠിച്ചിട്ടുണ്ട്. 1925 ൽ സിയാറ്റിലിൽ ജനിച്ച ഡാൻ ഇവാൻസ് രാഷ്ട്രീയത്തിൽ പ്രവേശിക്കുന്നതിന് മുമ്പ് സിവിൽ എൻജിനീയറായിരുന്നു. 1956-ൽ അദ്ദേഹം സംസ്ഥാന നിയമസഭയിലേക്ക് തിരഞ്ഞെടുക്കപ്പെടുകയും 1964-ൽ ഗവർണർ പദവി നേടുകയും ചെയ്തു.

മൂന്നാം ഊഴം തേടി മത്സരിച്ച ഡെമോക്രാറ്റ് സ്ഥാനാർഥി ആൽബർട്ട് ഡി. റോസെല്ലിനിയെ തോൽപ്പിച്ചാണ് ഡാൻ വിജയിച്ചത്. ഗവർണർ എന്ന നിലയിൽ സംസ്ഥാനത്ത്  കമ്മ്യൂണിറ്റി കോളജ് സമ്പ്രദായം സ്ഥാപിക്കുന്നതിന് അദ്ദേഹം പിന്തുണ നൽകിയിരുന്നു.