ഷിക്കാഗോ ഗീതാമണ്ഡലത്തിൽ ആദ്യാക്ഷരമെഴുതി കുരുന്നുകൾ

ഷിക്കാഗോ∙ ഷിക്കാഗോ ഗീതാമണ്ഡലത്തിൽ നടന്ന വിദ്യാരംഭ ചടങ്ങിൽ നിരവധി കുട്ടികളാണ്  ആദ്യാക്ഷരം കുറിച്ച് അറവിന്‍റെ ലോകത്തിലേക്ക് യാത്ര തുടങ്ങിയത്. മുഖ്യപുരോഹിതൻ കൃഷ്ണൻ ചെങ്ങണാംപറമ്പിൽ വിശേഷാൽ പൂജയ്ക്ക്  മുഖ്യ കാർമികത്വം വഹിച്ചു. 

‘‘ ലോകത്തിന്റെ ആത്മീയ തലസ്ഥാനമായ ഭാരതത്തിന് അനേകായിരം വർഷങ്ങളുടെ പാരമ്പര്യം ഉണ്ട്. ഈ പാരമ്പര്യത്തിലൂടെ കൈമാറി വന്ന സംസ്കാരവും അറിവും ഈശ്വരീയമാണ്. അതുകൊണ്ട് തന്നെ വിദ്യാരംഭത്തിനും ഗുരുപരമ്പരയ്ക്കും നാം ഇത്രയും പ്രാധാന്യം നൽകുന്നത്’’ – അപ്പുകുട്ടൻ ശേഖരൻ അഭിപ്രായപ്പെട്ടു. 

തുടർന്ന് ജനറൽ സെക്രട്ടറി ബൈജു മേനോൻ വിദ്യാരംഭത്തിൽ പങ്കെടുത്ത കുടുംബംഗങ്ങൾക്കും കുരുന്നുകൾക്കും വിദ്യാരംഭത്തിന് നേതൃത്വം നൽകിയ രാധാകൃഷ്ണൻ നായർക്കും, പൂജകൾക്ക് നേതൃത്വം നൽകിയ ശ്രീകൃഷ്ണൻ ചെങ്ങണാംപറമ്പിലും, ഈ വർഷത്തെ നവരാത്രി ആഘോഷങ്ങൾ വൻ വിജയമാക്കാൻ പരിശ്രമിച്ച പ്രവർത്തകർക്കും നവരാത്രി ആഘോഷങ്ങളിൽ പങ്കെടുത്ത എല്ലാവര്‍ക്കും നന്ദി അറിയിച്ചു.