കേരള അസോസിയേഷൻ ഓഫ് ഡാലസ് വിന്‍റർ ക്ലോത്തിങ് ഡ്രൈവ് സംഘടിപ്പിക്കുന്നു

ഗാർലാൻഡ് (ഡാലസ്) ∙ കേരള അസോസിയേഷൻ ഓഫ് ഡാലസും ഇന്ത്യ കൾച്ചറൽ ആൻഡ് എജ്യുക്കേഷൻ സെന്‍ററും ദ ബ്രിഡ്ജ് ഹോംലെസ് റിക്കവറി സെന്‍റർ ഡാലസുമായി സഹകരിച്ച് ഭവനരഹിതർക്കായി വിന്‍റർ ക്ലോത്തിങ്ഡ്രൈവ് സംഘടിപ്പിക്കുന്നു. ഇന്നലെ ആരംഭിച്ച ഡ്രൈവ് ഡിസംബർ 10 വരെ നീണ്ടുനിൽക്കും.  

പുതപ്പുകൾ, സ്ത്രീകൾക്കും പുരുഷന്മാർക്കുമുള്ള ജാക്കറ്റുകൾ, ബാക്ക്‌പാക്ക്, ടവലുകൾ, അത്‌ലറ്റിക് ഷോർട്ട്‌സ് എന്നിവ സംഭാവനയായി സ്വീകരിക്കും. ഡ്രോപ്പ് ബോക്‌സ് ICEC/KAD ഓഫിസിൽ (3821 Broadway Blvd Garland, TX 75043) ക്രമീകരിച്ചിട്ടുണ്ട്. വ്യാഴം, ശനി, ഞായർ ദിവസങ്ങളിൽ 2.00 മുതൽ 6.00 വരെ ഡ്രോപ്പ് ചെയ്യാൻ അവസരം ഉണ്ടായിരിക്കും.

മറ്റെല്ലാ ദിവസങ്ങളിലും ഡ്രോപ്പ് ഓഫ് ക്രമീകരണങ്ങൾക്കായി ഡയറക്ടർ ബോർഡ് അംഗങ്ങളെ ബന്ധപ്പെടുക കൂടുതൽ വിവരങ്ങൾക്ക്: സോഷ്യൽ സർവീസ് ഡയറക്ടർ ജെയ്‌സി ജോർജ് 469-688-2065 എന്ന നമ്പറിൽ ബന്ധപ്പെടുക.