ഫെയ്സ്ബുക് മാർക്കറ്റ് പ്ലേസിലൂടെ കണ്ടുമുട്ടിയ വയോധികനെ വെടിവച്ച് കൊലപ്പെടുത്തിയ യുവതി അറസ്റ്റിൽ

ഡാലസ് ∙  ഡാലസിൽ ഫെയ്സ്ബുക് മാർക്കറ്റ് പ്ലേസിലൂടെ കണ്ടുമുട്ടിയ വയോധികനെ വെടിവച്ച് കൊലപ്പെടുത്തിയ യുവതി അറസ്റ്റിൽ. അഹ്മദ് അൽഖലഫിനെ (66) കൊലപ്പെടുത്തിയ  അമയ മെഡ്‌റാനോ (19) എന്ന യുവതിയെയാണ് പൊലീസ് അറസ്റ്റ് ചെയ്തത്. 

നവംബർ 8 ന് ഉച്ചകഴിഞ്ഞ് 3 മണിയോടെ സൗത്ത് മാർസാലിസിലാണ് സംഭവം നടന്നത്.  ഐഫോൺ 15 വിൽക്കാനെത്തിയ  അഹ്മദ് അൽഖലഫിനെ യുവതി വെടിവയ്ക്കുകയായിരുന്നു. വെടിവയ്പ്പിന് മുൻപ് ഇരുവരും തമ്മിൽ സംസാരിക്കുന്ന സിസിടിവി ദൃശ്യങ്ങൾ പൊലീസ് കണ്ടെത്തി. കേസിൽ അന്വേഷണം പുരോഗമിക്കുകയാണ്.