ലീലാമ്മ മാത്യുവിന്‍റെ വിയോഗത്തിൽ ഫിലഡൽഫിയ പ്രൊവിൻസ് അനുശോചിച്ചു
Mail This Article
ഫിലഡൽഫിയ∙ വേൾഡ് മലയാളി കൗൺസിൽ വുമൺ ഫോറം പ്രസിഡന്‍റ് ഷൈലാ രാജന്‍റെ പ്രിയ മാതാവ് ലീലാമ്മ മാത്യു (74) വിന്‍റെ വിയോഗത്തിൽ ഫിലഡൽഫിയ പ്രൊവിൻസ് അനുശോചന സമ്മേളനം സംഘടിപ്പിച്ചു. പ്രോവിൻസിന്‍റെ ജനറൽ സെക്രട്ടറി ലൂക്കോസ് മാത്യു എല്ലാവർക്കും സ്വാഗതം അർപ്പിച്ചു. പ്രസിഡന്‍റ് നൈനാൻ മത്തായി തന്‍റെ പ്രസംഗത്തിൽ ലീലാമ്മ മാത്യുവിന്‍റെ വിയോഗത്തിൽ അഗാധമായ ദുഃഖം രേഖപ്പെടുത്തി.
കേരളത്തിലായിരുന്ന പ്രോവിൻസ് അംഗങ്ങൾ പരേതയുടെ ശവസംസ്കാരത്തിൽ പങ്കെടുത്തു.പ്രോവിൻസിന്‍റെ ട്രഷറർ തോമസ്കുട്ടി വർഗീസിന്‍റെ സഹോദരൻ ജോർജ്കുട്ടി വർഗീസും കുടുംബാംഗങ്ങളും പുഷ്പചക്രം സമർപ്പിച്ചു. ചെയർമാൻ മറിയാമ്മ ജോർജ്, അമേരിക്ക റീജൻ ജനറൽ സെക്രട്ടറി അനീഷ് ജെയിംസ് റീജനിന്‍റെ പേരിലുള്ള ദുഖവും അനുശോചനവും അറിയിച്ചു.
സ്നേഹത്തിന്‍റെയും കരുണയുടെയും മാതൃകയായി ജീവിച്ച ഒരു മാതാവായിരുന്നു ലീലാമ്മ മാത്യു എന്ന് പ്രോവിൻസ് അംഗവും കുടുംബത്തിന്‍റെ ഏറ്റവും അടുത്ത ബന്ധു കൂടിയായ ലൈസാമ്മ ബെന്നി പറഞ്ഞു. പ്രൊവിൻസിന്‍റെ അടുത്ത യോഗം ഡിസംബർ 15ന് വൈകിട്ട് നാല് മണിക്ക് ചെയർമാൻ മറിയാമ്മ ജോർജിന്‍റെ പുതിയ ഭവനത്തിൽ വച്ച് നടത്തുവാനാണ് തീരുമാനിച്ചത്.
WMC Womens Forum Condolences on the Demise of Leelamma Mathew
