മാർ ജേക്കബ് അങ്ങാടിയത്തിന്‍റെ ജീവചരിത്രം പ്രകാശനം ചെയ്തു

ഷിക്കാഗോ ∙ ഷിക്കാഗോ സിറോ മലബാർ രൂപതയുടെ പ്രഥമ മെത്രാൻ മാർ ജേക്കബ് അങ്ങാടിയത്തിന്‍റെ ജീവചരിത്രം പ്രകാശനം ചെയ്തു. "അത്യുന്നതങ്ങളിൽ ദൈവത്തിനു സ്തുതി" എന്ന പേരിലുള്ള ഈ പുസ്തകം ഷിക്കാഗോയിൽ നടന്ന സിറോ മലബാർ എപ്പാർക്കിയൽ അസംബ്ലിയിലാണ് പ്രകാശനം ചെയ്തത്. ഫാ. ജോർജ് ദാനവേലിൽ  എഡിറ്റിങ് നിർവഹിച്ച ഈ പുസ്തകത്തിന്‍റെ ആദ്യ പ്രതി ബിഷപ് മാർ ജോയ് ആലപ്പാട്ട്  സിറോ മലങ്കര രൂപതാ ബിഷപ് ഫിലിപ്പോസ് മാർ സ്തേഫാനോസിന് നൽകിയാണ് പ്രകാശനം നിർവഹിച്ചത്.  

ഈ പുസ്തകത്തിൽ മാർ ജേക്കബ് അങ്ങാടിയത്തിന്‍റെ ബാല്യകാലം മുതൽ ഷിക്കാഗോയിൽ സിറോ മലബാർ രൂപത സ്ഥാപിക്കുന്നതുവരെയുള്ള കാലഘട്ടം വിശദമായി വിവരിക്കുന്നു. കുടുംബത്തിലെ പ്രതിസന്ധികൾ, സെമിനാരി ജീവിതം, പൗരോഹിത്യം, അമേരിക്കയിലേക്കുള്ള യാത്ര, രൂപത സ്ഥാപനം എന്നിവയെല്ലാം ഈ പുസ്തകത്തിൽ ഉൾപ്പെടുത്തിയിരിക്കുന്നു.

പുസ്തകത്തിൽ മാർ ജേക്കബ് അങ്ങാടിയത്തിന്‍റെ ജീവിത സമർപ്പണവും ത്യാഗവും വ്യക്തമായി വിവരിക്കുന്നുണ്ട്. അദ്ദേഹത്തിന്‍റെ ജീവിതം ഷിക്കാഗോയിലെ സിറോ മലബാർ സമൂഹത്തിന് ഒരു പ്രചോദനമാണ്. ഈ പുസ്തകം വരും തലമുറയ്ക്ക് സിറോ മലബാർ സഭയുടെ ചരിത്രം മനസ്സിലാക്കാൻ സഹായിക്കും.

മാർ ജേക്കബ് അങ്ങാടിയത്തിന്‍റെ ജീവിതകഥയിലൂടെ, സിറോ മലബാർ സഭയുടെ വളർച്ചയിലെ വെല്ലുവിളികളെയും വിജയങ്ങളെയും മനസ്സിലാക്കാൻ കഴിയും. ഈ പുസ്തകം സിറോ മലബാർ സമൂഹത്തിന് മാത്രമല്ല, എല്ലാ വിശ്വാസികൾക്കും പ്രചോദനമാകും.