അമേരിക്കയുടെ വിപുലീകരണം; ട്രംപിനെ പുട്ടിൻ പിന്തുണയ്ക്കുമെന്ന് റിപ്പോർട്ടുകൾ
Mail This Article
ഹൂസ്റ്റണ്‍∙ നിയുക്ത പ്രസിഡന്‍റ് ഡോണൾഡ് ട്രംപ് നയം വ്യക്തമാക്കിക്കഴിഞ്ഞു. ഗ്രീന്‍ലാന്‍ഡ്, കാനഡ, പനാമ കനാല്‍ എന്നിവ അമേരിക്കയുമായി കൂട്ടിച്ചേര്‍ക്കണമെന്ന താൽപര്യം പരസ്യമായി പ്രകടിപ്പിച്ചു. ഇതാകട്ടെ അമേരിക്കയുടെ സഖ്യകക്ഷികള്‍ക്കിടയില്‍ പ്രകോപനം സൃഷ്ടിച്ചിട്ടുണ്ട്. എന്നാല്‍ ഇതില്‍ റഷ്യയും വ്ലാഡിമിർ പുട്ടിൻ ആഹ്‌ളാദിക്കുന്നു.
''ട്രംപ് തമാശയല്ല പറയുന്നത്. അമേരിക്കന്‍ അതിര്‍ത്തി വിപുലീകരിക്കാന്‍ അദ്ദേഹം തീരുമാനിച്ചു. ഇത് ലോകമെമ്പാടുമുള്ള അധിനിവേശങ്ങള്‍ സാധാരണമാക്കും.'- വെസ്റ്റി നെഡെലിയുടെ (ദി വീക്കിലി ന്യൂസ്) അവതാരകന്‍ ദിമിത്രി കിസെലിയോവ് അഭിപ്രായപ്പെട്ടു.
കിസെലിയോവിന്‍റെ അഭിപ്രായത്തില്‍, ട്രംപിന്‍റെ പ്രഖ്യാപനം, 2014ല്‍ റഷ്യയുടെ ക്രൈമിയ പിടിച്ചടക്കലിനെ സാധൂകരിക്കാനും യുക്രെയ്നിന് മേലുള്ള അധിനിവേശം വിപുലീകരിക്കുന്നത് പരിഗണിക്കാനും പുട്ടിന് വഴിയൊരുക്കും. പുട്ടിന്‍റെ ക്രൈമിയ പിടിച്ചടക്കിയതിനെ ട്രംപ് മുമ്പ് പ്രശംസിച്ചിരുന്നു. 2022ല്‍ റഷ്യയുടെ യുക്രെയ്നിലെ പൂര്‍ണ്ണമായ അധിനിവേശത്തോടുള്ള ട്രംപിന്‍റെ ഒരേയൊരു എതിര്‍പ്പ് യുദ്ധത്തിന്‍റെ ചെലവും ദൈര്‍ഘ്യവും ആണെന്ന് ക്രെംലിന്‍ ഉള്‍പ്പെട്ടവര്‍ വാദിക്കുന്നു. അതല്ലാതെ അത്തരം നടപടികളോടുള്ള ധാര്‍മ്മിക എതിര്‍പ്പില്ല.
ദി ഈവനിങ് വിത്ത് വ്ളാഡിമിര്‍ സോളോവിയോവിന്‍റെ സമീപകാല സംപ്രേക്ഷണത്തിനിടെ, ആതിഥേയനായ വ്ളാഡിമിര്‍ സോളോവിയോവ് ട്രംപിന്‍റെ പദ്ധതികളും റഷ്യയുടെ അഭിലാഷങ്ങളും തമ്മിലുള്ള സമാനതകള്‍ ചൂണ്ടിക്കാട്ടുന്നു. ''അമേരിക്കയുടെ അതിര്‍ത്തികള്‍ വിപുലീകരിക്കുമെന്ന് ട്രംപ് പ്രഖ്യാപിച്ചു. 'ട്രംപിന് ഗ്രീന്‍ലാന്‍ഡ്, പനാമ, കാനഡ എന്നിവ പിടിച്ചെടുക്കാന്‍ കഴിയുമെങ്കില്‍, എന്തുകൊണ്ട് റഷ്യയ്ക്ക് ഫിന്‍ലന്‍ഡ്, ബാള്‍ട്ടിക്, അലാസ്‌ക എന്നിവ തിരിച്ചെടുക്കാന്‍ കഴിയില്ല?''- '' സോളോവീവ് പറഞ്ഞു.
സോളോവോവ് ഉള്‍പ്പെടെയുള്ള റഷ്യന്‍ പ്രചാരകര്‍, ട്രംപിന്‍റെ യുക്രെയ്ന്‍ പ്രതിനിധി റിട്ട. ലെഫ്റ്റനന്‍റ് ജനറല്‍ കീത്ത് കെല്ലോഗിനെ ഒഴിവാക്കി ഇരു നേതാക്കളും തമ്മിലുള്ള നേരിട്ടുള്ള ചര്‍ച്ചകള്‍ക്ക് വേണ്ടി വാദിച്ചു തുടങ്ങിയിട്ടുണ്ട്.
Expansion of America; Reports that Putin will support Trump
