വൃക്കരോഗം; അവഗണിക്കരുത് ഈ ആദ്യലക്ഷണങ്ങൾ

വൃക്കരോഗത്തിലേക്കുള്ള യാത്ര ആരംഭിക്കുന്ന പലരും രോഗം തിരിച്ചറിയുന്നത് വളരെ വൈകിയാണ്. രോഗത്തിന്റെ പ്രാരംഭലക്ഷണങ്ങൾ അവഗണിക്കുന്നതാണ് ഇതിനു കാരണം. ഏതൊക്കെയാണ് ഈ പ്രാരംഭ ലക്ഷണങ്ങളെന്നു നോക്കാം.

∙ എപ്പോള്‍ മൂത്രമൊഴിച്ചാലും മൂത്രത്തിൽ കൂടുതലായി പത കാണുക.

∙ രാത്രിയിൽ കൂടുതൽ പ്രാവശ്യം മൂത്രം ഒഴിക്കേണ്ടി വരിക.

∙ അതിരാവിലെ മനംപുരട്ടൽ ഉണ്ടാവുക.

∙ മൂത്രത്തിന്റെ അളവു കുറയുക.

∙ കാണങ്കാലിലും പാദങ്ങളിലും മുഖത്തും നീരു കാണുക.

∙ കണ്ണുകൾക്കു ചുറ്റും വീക്കം കാണുക.

∙ വിശപ്പില്ലായ്മ അനുഭവപ്പെടുക.

∙ ക്ഷീണം തോന്നുക, ഏകാഗ്രമായിരിക്കാൻ സാധിക്കാതെ വരിക.

∙ മൂത്രത്തിൽ രക്തത്തിന്റെ അംശം കാണുക.

∙ ഉറക്കം ശരിയാകാതെ വരിക

ഈ ലക്ഷണങ്ങൾ തുടർച്ചയായി നിങ്ങൾക്കുണ്ടെങ്കിൽ വൃക്കരോഗ ചികിത്സകനെ ഉടൻതന്നെ കണ്ട് വേണ്ട നിർദ്ദേശം സ്വീകരിക്കുക.

English Summary: Kidney disease symptoms