കപ്പ് കേക്ക് ബിസിനസ്സുമായി മധുബാലയുടെ മക്കൾ; ചിത്രങ്ങൾ

മക്കളുടെ ചിത്രം പങ്കുവച്ച് തെന്നിന്ത്യൻ പ്രേക്ഷകരുടെ പ്രിയപ്പെട്ട മധുബാല. ട്വിറ്ററിലൂടെയാണ് നടി തന്റെ പെൺമക്കളെ ആരാധകർക്ക് പരിചയപ്പെടുത്തുന്നത്. കിയ എന്നും അമേയ എന്നുമാണ് പേരുകൾ. 1999ലായിരുന്നു ബിസിനസുകാരൻ ആനന്ദ് ഷായുമായുള്ള മധുബാലയുടെ വിവാഹം.

കപ്പ് കേക്ക് ബിസിനസ് നടത്തുകയാണ് മക്കൾ. ഇരുവരും ഉണ്ടാക്കിയ കപ്പ് കേക്കിന്റെ ചിത്രങ്ങളും താരം പങ്കുവച്ചിട്ടുണ്ട്.

കെ ബാലചന്ദർ സംവിധാനം ചെയ്ത അഴകനിലൂടെ സിനിമയിലെത്തിയ മധുബാല മണിരത്നത്തിന്റെ റൊമാന്റിക് ചിത്രം റോജയിലൂടെയാണ് ആരാധകരുടെ ഇഷ്ടതരമായത്. മലയാളത്തിൽ യോദ്ധ, ഒറ്റയാൾപട്ടാളം, എന്നോടിഷ്ടം കൂടാമോ,നീലഗിരി, സംസാരം ആരോഗ്യത്തിന് ഹാനികരം എന്നീ ചിത്രങ്ങളിലും അഭിനയിച്ചിട്ടുണ്ട്. ഹിന്ദി, തെലുങ്ക്, കന്നഡ സിനിമകളിലും വേഷമിട്ടിട്ടുള്ള മധുബാല ജയലളിതയുടെ ബയോപിക് ചിത്രമായ തലൈവിയിലാണ് ഒടുവിൽ അഭിനയിച്ചത്.