‘പ്രഗ്നന്‍സി ടെസ്റ്റ് പോസിറ്റീവ്’; ചിത്രം പങ്കുവച്ച് പാര്‍വതിയും നിത്യയും സയനോരയും

പാർവതി തിരുവോത്തും നിത്യ മേനനും സയനോരയും സമൂഹമാധ്യമങ്ങളിൽ പങ്കുവച്ച ഒരു ചിത്രം മലയാളി സിനിമാ പ്രേക്ഷകർക്കിടയിൽ ചർ‍‍‍‍ച്ചയാകുന്നു. പോസിറ്റീവ് കാണിക്കുന്ന പ്രഗ്നൻസി ടെസ്റ്റ് കിറ്റിന്റെ ഫോട്ടോയാണ് മൂവരും ഇൻസ്റ്റഗ്രാം, ഫെയ്സ്ബുക്ക് പേജുകളിലൂടെ പുറത്തുവിട്ടത്. ഇതോടെ, ഇവർ ഗർഭിണിയായെന്ന തരത്തിൽ വാർത്തകൾ പ്രചരിച്ചു. പലരും ആശംസകളറിയിക്കുകയും ചെയ്തു.

എന്നാല്‍ ഇതൊരു സിനിമയുടെ പ്രമോഷന്റെ ഭാഗമാണെന്നാണ് സൂചന. സോണി ലിവ്വിനു വേണ്ടി അഞ്ജലി മേനോൻ സംവിധാനം ചെയ്യുന്ന പുതിയ ചിത്രത്തിനു വേണ്ടിയാണ് ഈ ‘പ്രഗ്നൻസി ടെസ്റ്റ്’. നാദിയ മൊയ്ദു, പാർവതി തിരുവോത്ത്, നിത്യ മേനൻ, പത്മപ്രിയ, അർച്ചന പദ്മിനി എന്നിവർ സിനിമയിൽ ഗർഭിണികളായാണ് വേഷമിടുക എന്നാണ് സൂചനകൾ. ഗായിക സയനോരയും സിനിമയിൽ അഭിനയിക്കുന്നുണ്ട്.

അതേസമയം, ചിത്രത്തെ സംബന്ധിച്ച ഔദ്യോ​ഗിക സ്ഥിരീകരണങ്ങൾ വന്നിട്ടില്ല. എന്തായാലും താരങ്ങളുടെ പോസ്റ്റുകള്‍ സമൂഹമാധ്യമങ്ങളില്‍ വൈറലായിക്കഴിഞ്ഞു.