ജൂറി ചെയർമാന് ഗവർണർ പദവിയെങ്കിലും നൽകണം: അഖിൽ മാരാർ
Mail This Article
ദേശീയ ചലച്ചിത്ര അവാര്ഡ് നിർണയത്തിൽ പ്രതികരിച്ച് ബിഗ് ബോസ് മലയാളം സീസണ് 5 ടൈറ്റില് വിജയ്യും സംവിധായകനുമായ അഖില് മാരാര്. ദേശീയ അവാർഡ് ജൂറി ചെയർമാന് കുറഞ്ഞത് ഒരു ഗവർണർ പദവി എങ്കിലും നൽകണമെന്നും ഏത് വഴിക്കായാലും അവാർഡ് ലഭിച്ച എല്ലാവർക്കും അഭിനന്ദനങ്ങളെന്നും അഖിൽ മാരാർ കുറിച്ചു.
‘‘നാഷ്നൽ അവാർഡ് ജൂറി ചെയമാന് കുറഞ്ഞത് ഒരു ഗവർണർ പദവി എങ്കിലും നൽകണം. അർഹത ഉള്ള കുറച്ചു പേരെ എങ്കിലും പരിഗണിക്കാൻ ജൂറി കാണിച്ച മനസ്സിന് നന്ദി അറിയിക്കുന്നു. ഏത് വഴിക്കായാലും അവാർഡ് ലഭിച്ച എല്ലാവർക്കും എന്റെ അഭിനന്ദനങ്ങൾ.’’–അഖിൽ മാരാർ പറഞ്ഞു.
‘പുഷ്പ’യിലെ പ്രകടനത്തിന് അല്ലു അർജുനെ മികച്ച നടനായി തിരഞ്ഞെടുത്തതിനെതിരെ വലിയ വിമർശനങ്ങൾ ഉയർന്നിരുന്നു. ദ് കശ്മീര് ഫയല്സ് എന്ന ചിത്രത്തിന് മികച്ച ദേശീയോദ്ഗ്രഥന ചിത്രത്തിനുള്ള അവാര്ഡ് നല്കിയതിനെ വിമര്ശിച്ച് തമിഴ്നാട് മുഖ്യമന്ത്രി എം.കെ. സ്റ്റാലിന് ഉള്പ്പെടെയുള്ളവര് രംഗത്തെത്തിയിരുന്നു.