കാറ്റിൽനിന്ന് വൈദ്യുതി: ഫെയ്സ്ബുക് കരാർ ഒപ്പിട്ടു

സിംഗപ്പൂർ∙ ഇന്ത്യയിൽ കാറ്റിൽനിന്നുള്ള വൈദ്യുതി വാങ്ങുന്നതിന് പ്രാദേശിക കാറ്റാടി കമ്പനിയുമായി ഫെയ്സ്ബുക് കരാർ ഒപ്പിട്ടു. ദക്ഷിണേഷ്യയിൽ ഫെയ്സ്ബുക് പുനരുപയോഗക്ഷമമായ ഊർജം വാങ്ങുന്നതിന് കരാറിൽ ഏർപ്പെടുന്ന ആദ്യ രാജ്യമാണ് ഇന്ത്യ. കർണാടകയിലാണ് 32 മെഗാവാട്ട് കാറ്റാടി യന്ത്ര പദ്ധതി. മുംബൈ ആസ്ഥാനമായ ക്ലീൻമാക്സുമായി ചേർന്നാണ് ഫെയ്സ്ബുക് പദ്ധതി. സിംഗപ്പൂരിലും സമാന പദ്ധതിക്ക് ഫെയ്സ്ബുക് കരാറിലെത്തിയിട്ടുണ്ട്. ഫെയ്സ്ബുക്കിന്റെ അടുത്ത വർഷം ആരംഭിക്കുന്ന ഏഷ്യയിലെ ആദ്യത്തെ ഡേറ്റാ സെന്ററിലേക്കുള്ള വൈദ്യുതി ഈ പ്ലാന്റുകളിൽ നിന്നായിരിക്കും.