700 കോടിയുടെ മുദ്രപ്പത്രം എത്തി: ക്ഷാമം ഇൗയാഴ്ച അവസാനിക്കും

തിരുവനന്തപുരം∙ സംസ്ഥാനത്തെ മുദ്രപ്പത്ര ക്ഷാമത്തിന് ഇൗയാഴ്ച പരിഹാരമാകും. 700 കോടി രൂപയുടെ മുദ്രപ്പത്രം കഴിഞ്ഞദിവസം നാസിക്കിലെ കേന്ദ്ര പ്രസിൽ നിന്ന് കേരളത്തിലെത്തി. ഇത് എല്ലാ ജില്ലകളിലേക്കും വിതരണവും ചെയ്തു. 5000 രൂപയിൽ താഴെയുള്ള മുദ്രപ്പത്രത്തിന് കടുത്ത ക്ഷാമമായിരുന്നു മിക്ക ജില്ലകളിലും. 500, 1000 രൂപയുടെ മുദ്രപ്പത്രമാണ് കൂടുതലും ഇപ്പോൾ വന്നിട്ടുള്ളത്. അതിൽ‌ താഴെയുള്ള മുദ്രപ്പത്രങ്ങളും ആവശ്യമുള്ള എല്ലാ ജില്ലകളിലേക്കും വിതരണം ചെയ്തിട്ടുണ്ട്.