ഫോഡ് ഇന്ത്യ: നഷ്ടപരിഹാര പാക്കേജിൽ അന്തിമ തീരുമാനം

ചെന്നൈ ∙ ഫോഡ് ഇന്ത്യ ചെന്നൈ പ്ലാന്റ് അടച്ചുപൂട്ടുന്നതിന്റെ ഭാഗമായുള്ള നഷ്ടപരിഹാര പാക്കേജ് സംബന്ധിച്ച് തൊഴിലാളി യൂണിയനുമായി ഒത്തുതീർപ്പിലെത്തി. പുതിയ കരാർ അനുസരിച്ച് നഷ്ടപരിഹാരത്തിൽ 1.5 ലക്ഷം രൂപയുടെ വരെ വർധനയുണ്ട്. ഗ്രേഡ് അനുസരിച്ച് ഓരോ ജീവനക്കാരനും 34.50 ലക്ഷം രൂപ മുതൽ 86.50 ലക്ഷം രൂപ വരെയാണു നിലവിലെ നഷ്ടപരിഹാരം. മാസാവസാനത്തോടെ കരാർ നടപ്പാക്കാനാണു പദ്ധതിയെന്നു  ഫോഡ് ഇന്ത്യ അറിയിച്ചു.