16,000 കോടിയുടെ ഹരിത ബോണ്ടുമായി റിസർവ് ബാങ്ക്

ന്യൂഡൽഹി∙ 8,000 കോടി രൂപ വീതമുള്ള രണ്ടു ഗഡുക്കളായി ഹരിത ബോണ്ടുകൾ പുറത്തിറക്കുമെന്ന് റിസർവ് ബാങ്ക്. ഈ മാസം 25നും ഫെബ്രുവരി 9നുമാണ് ഇവ അവതരിപ്പിക്കുന്നത്. കാർബൺ സാന്ദ്രത കുറയ്ക്കുന്നതു ലക്ഷ്യമിട്ടു പൊതുമേഖലയിൽ നടപ്പാക്കുന്ന പദ്ധതികൾക്കാകും തുക വിനിയോഗിക്കുക. കഴിഞ്ഞ കേന്ദ്ര ബജറ്റിലെ നിർദേശങ്ങളിലൊന്നാണ് ഹരിത ബോണ്ടുകൾ. 5, 10 വർഷം കാലാവധിയുള്ളവയാണ് ബോണ്ടുകൾ.