സ്വർണവില കുതിക്കുന്നു

കൊച്ചി∙ സംസ്ഥാനത്ത് സ്വർണവില കുതിക്കുന്നു. കഴിഞ്ഞ അഞ്ചു ദിവസത്തിനിടെ സ്വർണം ഗ്രാമിന് 90 രൂപയും പവന് 720 രൂപയുമാണ് വർധിച്ചത്. ഇന്നലെ ഗ്രാമിന് 20 രൂപ വർധിച്ച് 5220 രൂപയും പവന് 160 രൂപ വർധിച്ച്  41,760 രൂപയുമായി. ശനിയാഴ്ച ഗ്രാമിന് ഒറ്റയടിക്ക് 40 രൂപയാണ് വർധിച്ചത്. ഈ മാസം ഒന്നിന് പവന് 40,480 രൂപയുണ്ടായിരുന്ന സ്വർണ വിലയാണ് ഇപ്പോൾ 41,760 രൂപയിലെത്തിയത്. ഇതുവരെയുള്ള വർധന 1280 രൂപ. രാജ്യാന്തര വിപണിയിൽ സ്വർണ വിലയിലുണ്ടായ കുതിപ്പാണ് ഇപ്പോഴുള്ള വില വർധനയ്ക്കു കാരണം.