ആഗോള വളർച്ചയുടെ പകുതിയും സംഭാവന ചെയ്യുക ഇന്ത്യയും ചൈനയും

ന്യൂഡൽഹി∙ ഈ വർഷത്തെ ആഗോള സാമ്പത്തിക വളർച്ചയുടെ പകുതിയും ഇന്ത്യയുടെയും ചൈനയുടെയും സംഭാവനയായിരിക്കുമെന്ന് രാജ്യാന്തര നാണ്യ നിധിയുടെ (ഐഎംഎഫ്) റിപ്പോർട്ട്. ഏഷ്യ, പസിഫിക് മേഖലകളായിരിക്കും ലോകത്ത് ഏറ്റവും മികച്ച പ്രകടനം കാഴ്ചവയ്ക്കുന്നതെന്നും ഐഎംഎഫ് ചൂണ്ടിക്കാട്ടി. റീജനൽ ഇക്കണോമിക് ഔട്ട്‍ലുക്കിലാണ് ഇക്കാര്യം പരാമർശിച്ചിരിക്കുന്നത്. ഏഷ്യ, പസിഫിക് മേഖലകളായിരിക്കും ആഗോള വളർച്ചയുടെ 70 ശതമാനവും സംഭാവന ചെയ്യുകയെന്ന് റിപ്പോർട്ട് ചൂണ്ടിക്കാട്ടുന്നു.