എംആർഎഫിന് 376% അറ്റാദായ വർധന
Mail This Article
×
ചെന്നൈ ∙ പ്രമുഖ ടയർ നിർമാതാക്കളായ എംആർഎഫിന് സാമ്പത്തിക വർഷം ആദ്യ പാദത്തിലെ അറ്റാദായത്തിൽ 376% വർധന. മുൻ വർഷം ഇതേ പാദത്തിൽ 123.6 കോടി രൂപയായിരുന്ന അറ്റാദായം ഇക്കുറി 588.75 കോടിയായി. വരുമാനം 13.06% വർധിച്ച് 6,440 കോടി രൂപയായി. 5,696 കോടിയായിരുന്നു മുൻവർഷം ഈ കാലത്തെ വരുമാനം. 5 വർഷം കാലാവധിയോടെ ചെയർമാൻ ആൻഡ് മാനേജിങ് ഡയറക്ടർ പദവിയിൽ കെ.എം.മാമ്മനെ വീണ്ടും നിയമിക്കാനുള്ള തീരുമാനത്തിന് ഡയറക്ടർ ബോർഡ് അംഗീകാരം നൽകി. സ്വതന്ത്ര വനിതാ ഡയറക്ടറായി വിമല ഏബ്രഹാമിനെ പുനർനിയമിക്കാനുള്ള തീരുമാനവും ബോർഡ് അംഗീകരിച്ചതായി കമ്പനി അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.