ഓണം ബംപർ നറുക്കെടുപ്പ് ഇന്നുച്ചയ്ക്ക് 2ന്

തിരുവനന്തപുരം ∙ 25 കോടി രൂപ ഒന്നാം സമ്മാനം നൽകുന്ന ഓണം ബംപർ നറുക്കെടുപ്പ് ഇന്നുച്ചയ്ക്ക് 2ന്. അച്ചടിച്ച 85 ലക്ഷം ടിക്കറ്റുകളിൽ 74.51 ലക്ഷം ടിക്കറ്റുകൾ ഇന്നലെ വൈകിട്ടു വരെ വിറ്റുപോയി. ബംപർ ലോട്ടറികളുടെ ചരിത്രത്തിലെ റെക്കോർഡാണിത്. രണ്ടാം സമ്മാനം ഒരു കോടി വീതം 20 പേർക്കും മൂന്നാം സമ്മാനം 50 ലക്ഷം വീതം 20 പേർക്കും നാലാം സമ്മാനം 5 ലക്ഷം വീതം 10 പേർക്കും ലഭിക്കും.