എന്റെ സ്നേഹത്തണൽ; ഒരേയൊരു പ്രഫസർ വല്യത്താൻ
![kasthurirangan ഡോ.കെ.കസ്തൂരിരംഗൻ](https://img-mm.manoramaonline.com/content/dam/mm/mo/news/editorial/images/2024/7/19/kasthurirangan.jpg?w=1120&h=583)
Mail This Article
ഈ നാട്ടിൽ ഒരേയൊരു പ്രഫസർ വല്യത്താനേ ഉണ്ടായിരുന്നുള്ളൂ. ഇതു വെറും അവകാശവാദമല്ല. നീണ്ട കാലയളവിൽ ആ മാർഗനിർദേശങ്ങൾ സ്വീകരിച്ചും ആ സ്നേഹത്തണൽ ആസ്വദിച്ചും ജീവിച്ചതിന്റെ അനുഭവങ്ങളാണ് എന്നെക്കൊണ്ടിതു പറയിക്കുന്നത്. ആ വിയോഗം വല്ലാതെ ദുഃഖിപ്പിക്കുന്നു.
-
Also Read
ആയുർ ബയോളജിയുടെ സ്രഷ്ടാവ്
2 പതിറ്റാണ്ടിലേറെ അദ്ദേഹത്തോടൊപ്പം പ്രവർത്തിക്കാൻ ഭാഗ്യമുണ്ടായി. അദ്ദേഹം ഇന്ത്യൻ നാഷനൽ സയൻസ് അക്കാദമിയുടെ പ്രസിഡന്റായിരുന്നപ്പോൾ മുതലുള്ള ബന്ധം. പിന്നീട് അദ്ദേഹം നാഷനൽ റിസർച് പ്രഫസറായിരുന്നപ്പോഴും ആ ബന്ധം തുടർന്നു. ഞാൻ രാജ്യസഭയിലും ആസൂത്രണ കമ്മിഷനിലും അംഗമായപ്പോഴും സഹകരിക്കാൻ അവസരങ്ങളുണ്ടായി. ആധുനിക വൈദ്യശാസ്ത്രവും പരമ്പരാഗത ചികിത്സാമേഖലയുമായി ബന്ധപ്പെട്ട പല കാര്യങ്ങളിലും അന്തിമവീക്ഷണത്തിലെത്താൻ ഡോ. വല്യത്താന്റെ ഉപദേശങ്ങൾ സഹായിച്ചു.
-
Also Read
എന്നെ ‘ട്രാക്കിലാക്കിയ’ ദൈവം
അക്കാലത്തു ഞാനടക്കമുള്ള യുവതലമുറയെ അങ്ങേയറ്റം പ്രചോദിപ്പിക്കുകയും പ്രോത്സാഹിപ്പിക്കുകയും ചെയ്ത മഹദ് വ്യക്തിത്വമായിരുന്നു പ്രഫ.വല്യത്താന്റേത്. യുകെയിലെ റോയൽ സൊസൈറ്റിയിൽ വിസിറ്റിങ് സയന്റിസ്റ്റായി എന്ന നാമനിർദേശം ചെയ്ത ആ വലിയ മനസ്സുതന്നെ അതിനേറ്റവും നല്ല ഉദാഹരണം. എന്റെ മേഖലയായ ജ്യോതിശാസ്ത്രത്തിൽ ഒരുപാടു പ്രഭാഷണങ്ങൾ യുകെയിൽ നടത്താൻ അങ്ങനെ അവസരമൊരുങ്ങി.
ഉന്നത നിലവാരമുള്ള ഗവേഷണങ്ങളുടെയും ഗുണപരമായ ചിന്തകളുടെയും ‘ചാംപ്യൻ’ ആയിരുന്നു പ്രഫ.വല്യത്താൻ. ആധുനിക ഇന്ത്യയിലെ മികച്ച പ്രതിഭാശാലിയായ ശാസ്ത്ര ഗവേഷകൻ.