അവയവദാനം നിർബന്ധമാക്കാൻ ബിൽ കൊണ്ടുവരും: വരുൺ ഗാന്ധി

ന്യൂഡൽഹി ∙ രാജ്യത്ത് അവയവദാനം നിർബന്ധിതമാക്കുന്നതിനു ലോക്സഭയിൽ സ്വകാര്യ ബിൽ അവതരിപ്പിക്കുമെന്നു വരുൺ ഗാന്ധി എംപി. എല്ലാ വ്യക്തികളെയും, അവർ വിയോജിപ്പ് പ്രത്യേകം അറിയിക്കാത്തിടത്തോളം സ്വാഭാവികമായി അവയവദാതാവാക്കി മാറ്റുന്ന നിയമമാണ് ഉദ്ദേശിക്കുന്നതെന്നു വരുൺ പറഞ്ഞു. ബിൽ മൺസൂൺ സമ്മേളനത്തിൽ അവതരിപ്പിക്കും.

രാജ്യത്ത് ഓരോ വർഷവും 5 ലക്ഷത്തിലേറെ പേർ മാറ്റിവയ്ക്കാൻ അവയവം ലഭിക്കാത്തതിനാൽ മരിക്കുന്നു. 18 വയസ്സിനു മുകളിലുള്ള എല്ലാവരെയും അവയവദാനത്തിന്റെ പരിധിയിൽ കൊണ്ടുവരണം. നിലവിൽ അവയവദാനത്തിനു താൽപര്യമുള്ളവരാണു സമ്മതപത്രം നൽകുന്നത്. പകരം വിയോജിപ്പുള്ളവർ മാത്രം അക്കാര്യം വ്യക്തമാക്കുന്ന നിയമമാണു ലക്ഷ്യം –  വരുൺ പറഞ്ഞു.

English Summary: Varun Gandhi To Float Bill Making Organ Donation "Compulsory" For Adults