പുതുച്ചേരി: കിരൺ ബേദിയെ മാറ്റി; തമിഴിസൈയ്ക്ക് ചുമതല

ന്യൂഡൽഹി ∙ പുതുച്ചേരി ലഫ്റ്റനന്റ് ഗവർണർ സ്ഥാനത്തുനിന്നു കിരൺ ബേദിയെ മാറ്റി. പുതിയ നിയമനം നടത്തുംവരെ തെലങ്കാന ഗവർണർ തമിഴിസൈ സൗന്ദരരാജന് പുതുച്ചേരിയുടെ അധികച്ചുമതല നൽകിയതായി രാഷ്ട്രപതി ഭവൻ വ്യക്തമാക്കി.

നിയമസഭാ തിരഞ്ഞെടുപ്പു നടക്കാനിരിക്കെയാണ് കിരൺ ബേദിയെ മാറ്റുന്നത്. 2016 മേയ് 28നാണ് കിരൺ ബേദി പുതുച്ചേരിയിൽ ലഫ്റ്റനന്റ് ഗവർണറായത്. 5 വർഷ കാലാവധി പൂർത്തിയാക്കാൻ ഏതാനും മാസം ബാക്കിയുള്ളപ്പോഴാണ് സ്ഥാനചലനം. തെലങ്കാനയുടെ ഗവർണർക്ക് ലഫ്റ്റനന്റ് ഗവർണറുടെ ചുമതല കൂടി നൽകുന്നതു ശ്രദ്ധേയമാണ്.

Content Highlights: Kiran Bedi removed