പുതുച്ചേരി രാഷ്ട്രപതി ഭരണത്തിൽ

ചെന്നൈ∙ പുതുച്ചേരിയിൽ രാഷ്ട്രപതി ഭരണം പ്രഖ്യാപിച്ച് കേന്ദ്ര ആഭ്യന്തര മന്ത്രാലയം ഉത്തരവിട്ടതോടെ ഇനി പൂർണ അധികാരം ലഫ്. ഗവർണർ തമിഴിസൈ സൗന്ദരരാജന്. 

വി. നാരായണസാമിയുടെ നേതൃത്വത്തിലുള്ള കോൺഗ്രസ് സർക്കാർ, ഭൂരിപക്ഷം നഷ്ടപ്പെട്ടതോടെ 22നു രാജിവച്ചിരുന്നു. ഇന്നലെ ഡൽഹിയിൽ പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ എന്നിവരുടെ നേതൃത്വത്തിൽ ചേർന്ന പ്രത്യേക യോഗത്തിലാണ് രാഷ്ട്രപതി ഭരണത്തിന് ഔദ്യോഗിക അനുമതിയായത്. അതിനിടെ, പ്രധാനമന്ത്രി നരേന്ദ്രമോദി ഇന്നു പുതുച്ചേരി സന്ദർശിക്കും.