മണിപ്പുരിൽ കോൺഗ്രസിന്റെ ആദ്യ പട്ടികയായി

ന്യൂഡൽഹി ∙ മുൻ മുഖ്യമന്ത്രിയും പ്രതിപക്ഷ നേതാവുമായ ഇബോബി സിങ്ങിനെ ഉൾപ്പെടെ രംഗത്തിറക്കി മണിപ്പുരിൽ കോൺഗ്രസ് ആദ്യ ഘട്ട സ്ഥാനാർഥി പട്ടിക പ്രഖ്യാപിച്ചു. തൗബാൽ മണ്ഡലത്തിൽ നിന്നാണ് 73 കാരനായ ഇബോബി മത്സരിക്കുന്നത്.

2017 ൽ 60 അംഗ നിയമസഭയിൽ 28 സീറ്റ് നേടി ഏറ്റവും വലിയ ഒറ്റക്കക്ഷിയായെങ്കിലും ബിജെപിയാണ് സർക്കാരുണ്ടാക്കിയത്. പിന്നാലെ എംഎൽഎമാർ കൂട്ടത്തോടെ പാർട്ടി വിട്ടത് കോൺഗ്രസിനെ ദുർബലമാക്കി. പിസിസി പ്രസിഡന്റായിരുന്ന ഗോവിന്ദാസ് കൊന്തൗജം ഉൾപ്പെടെ കൂറുമാറിയിരിക്കെ, ഇബോബിയിലാണ് പാർട്ടിയുടെ പ്രതീക്ഷ.

Content Highlight: Manipur Assembly Elections 2022