പഞ്ചാബ് ഇന്ന് ബൂത്തിലേക്ക്; യുപിയിൽ മൂന്നാംഘട്ടം

ന്യൂഡൽഹി ∙ പഞ്ചാബ് നിയമസഭാ തിരഞ്ഞെടുപ്പും ഉത്തർപ്രദേശ് മൂന്നാംഘട്ടവും ഇന്നു നടക്കും. രാവിലെ 7 മുതൽ വൈകിട്ട് 6 വരെയാണ് പോളിങ്. പഞ്ചാബിൽ 117 സീറ്റുകളിലേക്കാണ് പോളിങ്. 1304 സ്ഥാനാർഥികളാണ് മത്സരരംഗത്തുള്ളത്. സമയപരിധി അവസാനിച്ചിട്ടും പ്രചാരണം നടത്തിയെന്ന പരാതിയിൽ പഞ്ചാബ് മുഖ്യമന്ത്രി ചരൺജിത് സിങ് ഛന്നി, കോൺഗ്രസ് സ്ഥാനാർഥി ശുഭ്ദീപ് സിങ് സിദ്ദു എന്നിവർക്കെതിരെ കേസെടുത്തു. യുപിയിൽ മൂന്നാംഘട്ട വോട്ടെടുപ്പു നടക്കുന്നത് 59 മണ്ഡലങ്ങളിലാണ്. 627 സ്ഥാനാർഥികളാണ് ജനവിധി തേടുന്നത്.

Content Highlight: Punjab and Uttar Pradesh Assembly Elections 2022