മണിപ്പുരിൽ ബിരേൻ സിങ് സ്ഥാനമേറ്റു

ഇംഫാൽ ∙ മണിപ്പുർ മുഖ്യമന്ത്രിയായി എൻ.ബിരേൻ സിങ് സ്ഥാനമേറ്റു. 5 മന്ത്രിമാരും ചുമതലയേറ്റു. രാജ്ഭവനിൽ നടന്ന ചടങ്ങിൽ ഗവർണർ ഗണേശൻ സത്യവാചകം ചൊല്ലിക്കൊടുത്തു. തുടർച്ചയായി രണ്ടാം തവണയാണ് ബിരേൻ സിങ് മുഖ്യമന്ത്രിയാവുന്നത്. കേന്ദ്ര മന്ത്രിമാരായ നിർമല സീതാരാമൻ, കിരൺ റിജിജു എന്നിവർ നിരീക്ഷകരായി പങ്കെടുത്തു. 

60 അംഗ സഭയിൽ ബിജെപിക്ക് 32 എംഎൽഎമാരാണുള്ളത്. 6 അംഗങ്ങളുള്ള ജെഡി–യുവും 2 അംഗങ്ങളുള്ള കുകി പീപ്പിൾസ് സഖ്യവും പിന്തുണ പ്രഖ്യാപിച്ചിട്ടുണ്ട്. ഇതോടെ സർക്കാരിനെ പിന്തുണയ്ക്കുന്ന അംഗങ്ങളുടെ എണ്ണം 41 ആയി. 

English Summary: Biren Singh sworn in as Manipur CM