ബുദ്ധമതത്തെ നശിപ്പിക്കാൻ ചൈന ശ്രമിക്കുന്നു: ദലൈലാമ

ഗയ (ബിഹാർ) ∙ ബുദ്ധമതത്തെ ആസൂത്രിതമായി നശിപ്പിക്കാൻ ചൈന ശ്രമിക്കുകയാണെന്ന് ടിബറ്റൻ ആത്മീയനേതാവ് ദലൈലാമ പറഞ്ഞു. ടിബറ്റിൽ ചൈന കഴിഞ്ഞ വർഷം പത്മസംഭവ ബുദ്ധവിഗ്രഹം തകർത്തതിനെ അദ്ദേഹം പരാമർശിച്ചു. ബുദ്ധവിഹാരങ്ങൾ തകർക്കുകയും ബുദ്ധമതാനുയായികൾക്കു വിഷം കൊടുക്കുകയും ചെയ്യുന്നു.

ബുദ്ധമതത്തെ നശിപ്പിക്കാൻ സാധ്യമായതെല്ലാം ചൈന ചെയ്യുന്നുണ്ട്, ഇതെല്ലാമായിട്ടും ചൈനയിലുൾപ്പെടെ ബുദ്ധമതത്തിലേക്ക് ആകർഷിക്കപ്പെടുന്നവർ ഏറെയാണ് – ബോധ്ഗയയിൽ ത്രിദിന പഠന പരിപാടിയുടെ സമാപനയോഗത്തിൽ ദലൈലാമ പറഞ്ഞു. ലോകക്ഷേമത്തിനായി കാലചക്ര മൈതാനത്ത് അദ്ദേഹം പ്രത്യേക പ്രാർഥന നടത്തി.

English Summary: China trying to destroy Buddhism: Dalai Lama