വാടക ഗർഭധാരണം: വ്യവസ്ഥ റദ്ദാക്കാൻ ഹർജി

ന്യൂഡൽഹി ∙ വാടക ഗർഭധാരണം ആഗ്രഹിക്കുന്ന ദമ്പതികൾ, ദാതാവിൽ നിന്ന് അണ്ഡകോശം സ്വീകരിക്കുന്നതു വിലക്കുന്ന വ്യവസ്ഥയ്ക്കെതിരെ സുപ്രീം കോടതിയിൽ ഹർജി. വാടകഗർഭധാരണ നിയമത്തിലെ 7–ാം വകുപ്പു റദ്ദാക്കണമെന്നും അസാധാരണ സാഹചര്യം കണക്കിലെടുത്ത് വാടകഗർധാരണവുമായി മുന്നോട്ടുപോകാൻ അനുവദിക്കണമെന്നും ആവശ്യപ്പെട്ടു കേരളത്തിൽ നിന്നുള്ള 4 സ്ത്രീകളാണ് ഹർജി നൽകിയത്. 

ആരോഗ്യമന്ത്രാലയം കഴിഞ്ഞ മാർച്ചിൽ കൊണ്ടുവന്ന നിബന്ധന പ്രകാരം ദമ്പതികളിലെ പുരുഷന്റെയും സ്ത്രീയുടെയും ബീജവും അണ്ഡവും ഉപയോഗിച്ചാകണം വാടകഗർഭധാരണം പൂർത്തിയാക്കേണ്ടത്. അതേസമയം, വിധവ, വിവാഹബന്ധം വേർപ്പെടുത്തിയ സ്ത്രീ എന്നിവർക്കു ദാതാവിൽ നിന്ന് സ്വീകരിക്കുന്നതിനു തടസ്സമില്ല. 

English Summary: Petition to cancel conditions in surrogacy