സിൽക്യാര രക്ഷാദൗത്യം:ലോകം മുഴുവൻ ഇവിടെയുണ്ട്;എല്ലാവരെയും രക്ഷിച്ചിരിക്കും

ഉത്തരകാശി ∙ സിൽക്യാര തുരങ്കത്തിലെ രക്ഷാപ്രവർത്തനത്തിനെത്തിയ രാജ്യാന്തര ടണലിങ് ആൻഡ് അണ്ടർഗ്രൗണ്ട് സ്പേസ് അസോസിയേഷൻ പ്രസിഡന്റും ഓസ്ട്രേലിയൻ സ്വദേശിയുമായ പ്രഫ. ആർനോൾഡ് ഡിക്സ് സംസാരിക്കുന്നു:

∙വിദേശസംഘവും രക്ഷാദൗത്യത്തിന്റെ ഭാഗമായിരിക്കുന്നു. ഇവിടത്തെ സ്ഥിതി സംബന്ധിച്ച പ്രാഥമിക വിലയിരുത്തലെന്താണ്?

തുരങ്കത്തിനു പല ഭാഗങ്ങളുണ്ട്. ത്രീഡി ദൃശ്യം പോലെ. എല്ലാ ഭാഗത്തെയും സ്ഥിതി വിശദമായി പഠിക്കേണ്ടതുണ്ട്. എല്ലാം പോസിറ്റീവായാണ് മുന്നോട്ടുപോകുന്നത്.

∙താങ്കളുടെ ടീം മുഴുവൻ ഇവിടെയെത്തിയിട്ടുണ്ടോ?

ഉവ്വ്. ഹിമാലയൻ മലനിരകളിൽ പ്രവർത്തിച്ചു പരിചയമുള്ള ഏറ്റവും മികച്ച സംഘമാണ് സ്ഥലത്തുള്ളത്. ഒപ്പം, വിവിധ രാജ്യങ്ങളിൽനിന്നുള്ള വിദഗ്ധരുമായി രക്ഷാദൗത്യം സംബന്ധിച്ചു ചർച്ചയും നടത്തുന്നുണ്ട്. ലോകം മുഴുവൻ ഇവിടെയുണ്ട്.

∙രക്ഷാദൗത്യം വൈകുന്നതിൽ ആശങ്കയുണ്ടോ ?

ഞങ്ങൾക്ക് അതിവേഗം തീരുമാനങ്ങളെടുത്തു മുന്നോട്ടുനീങ്ങേണ്ടതുണ്ട്. തീർച്ചയായും എല്ലാ തൊഴിലാളികളും പുറത്തെത്തിയിരിക്കും.