എംപിമാരുടെ കൂട്ട സസ്പെൻഷൻ: പരിശോധന അടുത്തയാഴ്ച

ന്യൂഡൽഹി ∙ കഴിഞ്ഞ സമ്മേളനത്തിനിടെ, പാർലമെന്റിന്റെ ഇരു സഭകളിലും പ്രതിപക്ഷ എംപിമാരെ കൂട്ടത്തോടെ സസ്പെൻഡ് ചെയ്ത നടപടി അടുത്തയാഴ്ച ഇരുസഭകളുടെയും പ്രിവിലേജ് കമ്മിറ്റികൾ പരിശോധിക്കും. രാജ്യസഭയുടേത് 9നും ലോക്സഭയുടേത് 12നുമാണ് യോഗം ചേരുക.

ആകെ 146 പേരെ സ്‍സ്പെൻഡ് ചെയ്തെങ്കിലും (ലോക്സഭയിൽ 100, രാജ്യസഭയിൽ 46) ലോക്സഭയിലെ 3 പേരുടെയും രാജ്യസഭയിലെ 11 പേരുടെയും വിഷയമാണ് പ്രിവിലേജ് കമ്മിറ്റി പരിശോധിക്കുന്നത്. പ്രതിഷേധിക്കുന്നതിനിടെ ഗുരുതര അച്ചടക്കലംഘനം കാട്ടിയതിനാണ് ഇവരുടെ കാര്യം പ്രിവിലേജ് കമ്മിറ്റികൾക്കു വിട്ടത്.