ന്യായ് യാത്രയിൽ ഇന്ന് പ്രിയങ്ക ഗാന്ധി

ന്യൂഡൽഹി ∙ രാഹുൽ ഗാന്ധി നയിക്കുന്ന ഭാരത് ജോഡോ ന്യായ് യാത്രയിൽ ഇന്ന് പ്രിയങ്ക ഗാന്ധി പങ്കെടുക്കും. ബിഹാറിൽനിന്നു യാത്ര ഉത്തർപ്രദേശിലെ ചന്ദൗലിയിലെത്തുമ്പോഴാണു പ്രിയങ്ക രാഹുലിനൊപ്പം ചേരുക. പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസി, രാഹുൽ 2019 ൽ പരാജയപ്പെട്ട അമേഠി, സോണിയ ഗാന്ധിയുടെ സിറ്റിങ് മണ്ഡലമായ റായ്ബറേലി, തലസ്ഥാനമായ ലക്നൗ എന്നിവിടങ്ങളിലൂടെ കടന്നുപോകുന്ന യാത്ര 21നു മധ്യപ്രദേശിലേക്കു കടക്കും. ജനുവരിയിൽ മണിപ്പുരിൽനിന്ന് ആരംഭിച്ച യാത്രയിൽ പ്രിയങ്ക പങ്കെടുക്കുന്നത് ആദ്യമാണ്.