ഉപരാഷ്ട്രപതി ഇന്ന് തിരുവനന്തപുരത്ത്

തിരുവനന്തപുരം∙ ഉപരാഷ്ട്രപതി ജഗ്ദീപ് ധൻകർ ഇന്ന് ഉച്ചയ്ക്കു തിരുവനന്തപുരത്ത് എത്തും. 2.10നു വിമാനത്താവളത്തിൽ എത്തുന്ന ഉപരാഷ്ട്രപതി 2.30ന് കോവളം സമുദ്ര ഹോട്ടലിൽ എത്തും. അവിടെ നടക്കുന്ന രാജാനക പുരസ്കാര വിതരണ ചടങ്ങിൽ മുഖ്യാതിഥിയായാണ് ഉപരാഷ്ട്രപതി പങ്കെടുക്കുന്നത്. 3.30ന് അവിടെ നിന്നു മടങ്ങുന്ന അദ്ദേഹം 3.50നു വിമാനത്തിൽ കോയമ്പത്തൂരിലേക്കു പോകും.