അംബേദ്കർ ജയന്തി ഇന്ന്; നാടെങ്ങും ആഘോഷം

മുംബൈ ∙ രാജ്യം ഇന്ന് ഭരണഘടനാ ശിൽപി ഡോ.ബി.ആർ.അംബേദ്കറുടെ ജന്മവാർഷികം ആഘോഷിക്കുന്നു. അദ്ദേഹത്തിന്റെ ഭൗതിക ശരീരം സംസ്കരിച്ച മുംബൈ ദാദറിലെ സ്മാരകമായ ചൈത്യഭൂമിയിലും ഡോ. അംബേദ്കർ ബുദ്ധമതം സ്വീകരിച്ച നാഗ്പുരിലെ ദീക്ഷഭൂമിയിലും വലിയ തോതിലുളള ആഘോഷ പരിപാടികളുണ്ടാകും. 

  രാജ്യത്തിന്റെ പല മേഖലകളിലും ആഘോഷപരിപാടികളും സേവനപ്രവർത്തനങ്ങളും അംബേദ്കർ ജയന്തിയോട് അനുബന്ധിച്ചുണ്ട്. ഡോ. അംബേദ്കറുടെ ആശയങ്ങൾ പിന്തുടർന്ന് രാജ്യത്തിന്റെ സമഗ്ര പുരോഗതിക്കായി ഒരുമിച്ചു പ്രവർത്തിക്കാൻ അംബേദ്കർ ജയന്തി ആശംസകൾ നേർന്ന രാഷ്ട്രപതി ദ്രൗപദി മുർമു ആഹ്വാനം ചെയ്തു.