ഛത്തീസ്ഗഡിൽ മാവോയിസ്റ്റിനെ വധിച്ചു

ബിജാപുർ ∙ ബസ്തർ മേഖലയിൽ ഛത്തീസ്ഗഡ് പൊലീസിന്റെ ജില്ലാ റിസർവ് ഗാർഡ് (ഡിആർജി) വിഭാഗവുമായുണ്ടായ ഏറ്റുമുട്ടലിൽ മാവോയിസ്റ്റ് കൊല്ലപ്പെട്ടു. മാവോയിസ്റ്റ് സംഘത്തിന്റെ സാന്നിധ്യമുണ്ടെന്ന സൂചനയെത്തുടർന്ന് കേശ്കുതുൽ – കേശ്മുണ്ടി വനത്തിൽ തിരച്ചിലിനെത്തിയ സേനയ്ക്കു നേരെ മാവോയിസ്റ്റുകൾ വെടിയുതിർക്കുകയായിരുന്നെന്നും തിരിച്ചടിച്ചപ്പോഴാണ് ഒരാൾ കൊല്ലപ്പെട്ടതെന്നും പൊലീസ് അറിയിച്ചു. ആയുധങ്ങൾ പൊലീസ് പിടിച്ചെടുത്തു.