6 ബിആർഎസ് എംഎൽസിമാർ കോൺഗ്രസിൽ; ഭാരത് രാഷ്ട്ര സമിതിക്ക് വീണ്ടും കനത്ത തിരിച്ചടി

ഹൈദരാബാദ് ∙ പ്രതിപക്ഷമായ ഭാരത് രാഷ്ട്ര സമിതിക്ക് കനത്ത തിരിച്ചടിയേകി തെലങ്കാനയിലെ 6 ലെജിസ്ലേറ്റീവ് കൗൺസിൽ അംഗങ്ങൾ (എംഎൽസി) കോൺഗ്രസിൽ ചേർന്നു. മുഖ്യമന്ത്രി രേവന്ത് റെഡ്ഡിയുടെയും എഐസിസി ജനറൽ സെക്രട്ടറി ദീപ ദാസ്‌മുൻഷിയുടെയും സാന്നിധ്യത്തിലായിരുന്നു അംഗത്വവിതരണം. 

തിരഞ്ഞെടുപ്പിലെ പാർട്ടിയുടെ തോൽവിക്കു പിന്നാലെ 6 ബിആർഎസ് എംഎൽഎമാർ കോൺഗ്രസിൽ ചേർന്നിരുന്നു. ലെജിസ്ലേറ്റീവ് കൗൺസിലിൽ ബിആർഎസിന് ഇരുപത്തിയഞ്ചും കോൺഗ്രസിന് നാലും അംഗങ്ങളുമാണ് ഉണ്ടായിരുന്നത്.