കരുണാനിധിയുടെ ഓർമയ്ക്ക് 100 രൂപ നാണയം

ന്യൂഡൽഹി ∙ തമിഴ്നാട് മുൻ മുഖ്യമന്ത്രിയും ഡിഎംകെ നേതാവുമായിരുന്ന എം.കരുണാനിധിയുടെ 100–ാം ജന്മവാർഷികത്തിന്റെ ഭാഗമായി 100 രൂപയുടെ പ്രത്യേക നാണയം പുറത്തിറക്കും. ഇതിൽ കരുണാനിധിയുടെ ചിത്രവും ഒപ്പുമുണ്ടാവും. വ്യക്തികളുടെയും സംഭവങ്ങളുടെയും സ്മരണാർഥം പുറത്തിറക്കുന്ന നാണയങ്ങൾ പൊതുവിനിമയത്തിനായി വലിയതോതിൽ പുറത്തിറക്കാറില്ല. indiagovtmint.in എന്ന വെബ്സൈറ്റിലൂടെയാണ് ഇവയുടെ വിൽപന. 

പാർലമെന്റിൽ കേവലഭൂരിപക്ഷമില്ലാത്ത ബിജെപി പ്രതിപക്ഷകക്ഷികളിലേക്കും പാലമിടുന്നതിന്റെ ഭാഗമായാണ് ഈ നീക്കത്തെ രാഷ്ട്രീയവൃത്തങ്ങൾ കാണുന്നത്. ഡിഎംകെയ്ക്ക് ഡപ്യൂട്ടി സ്പീക്കർ സ്ഥാനം നൽകുമെന്നും അഭ്യൂഹമുണ്ടായിരുന്നു.