റെയിൽവേ സുരക്ഷാ കമ്മിഷൻ ആസ്ഥാനം ഇനി ഡൽഹി

ന്യൂഡൽഹി ∙ രാജ്യത്തു ട്രെയിൻ അപകടങ്ങൾ വർധിക്കുന്നതിനിടെ, റെയിൽവേ സുരക്ഷാ കമ്മിഷന്റെ ആസ്ഥാനം ലക്നൗവിൽനിന്നു ന്യൂഡൽഹിയിലേക്കു മാറ്റി. എന്നാൽ, കാരണം വ്യക്തമാക്കിയിട്ടില്ല. റെയിൽവേ ട്രാക്കുകളുടെയും പാലങ്ങളുടെയും മറ്റും സുരക്ഷാ പരിശോധനയാണു ചുമതലയെങ്കിലും വ്യോമയാന മന്ത്രാലയത്തിനു കീഴിലാണു കമ്മിഷന്റെ പ്രവർത്തനം. റെയിൽവേ മന്ത്രാലയത്തിൽനിന്നു വേറിട്ടു പ്രവർത്തിക്കാനായാണിത്. ട്രെയിൻ അപകടമുണ്ടായാൽ അന്വേഷണം നടത്തുന്നതും കമ്മിഷനാണ്.