മോദി യുക്രെയ്ൻ സന്ദർശിച്ചേക്കും

ന്യൂഡൽഹി ∙ പ്രധാനമന്ത്രി നരേന്ദ്ര മോദി ഓഗസ്റ്റ് അവസാനവാരം യുക്രെയ്ൻ സന്ദർശിച്ചേക്കും. ഓഗസ്റ്റ് 24ന് യുക്രെയ്ൻ ദേശീയ ദിനമാണ്. ഇതിനോടനുബന്ധിച്ചാകും സന്ദർശനമെന്നാണു സൂചന. ഇക്കാര്യത്തിൽ ഔദ്യോഗിക അറിയിപ്പൊന്നും വന്നിട്ടില്ല.

റഷ്യ–യുക്രെയ്ൻ യുദ്ധം ആരംഭിച്ചശേഷം ഈ മാസാദ്യം പ്രധാനമന്ത്രി നരേന്ദ്ര മോദി റഷ്യ സന്ദർശിച്ചിരുന്നു. ഇറ്റലിയിൽ ജി–7 ഉച്ചകോടിക്കിടെ യുക്രെയ്ൻ പ്രസിഡന്റ് വൊളോഡിമിർ സെലെൻസ്കി മോദിയെ യുക്രെയ്നിലേക്ക് ക്ഷണിച്ചിരുന്നു. സമീപരാജ്യമായ പോളണ്ടും മോദി സന്ദർശിച്ചേക്കും.