ജമ്മു കശ്മീർ: നാലാം പട്ടിക പുറത്തിറക്കി ബിജെപി

ന്യൂഡൽഹി ∙ പ്രാദേശിക നേതാക്കളുടെയും പ്രവർത്തകരുടെയും പ്രതിഷേധത്തിനും രാജിക്കുമിടെ, ജമ്മു കശ്മീർ നിയമസഭാ തിരഞ്ഞെടുപ്പിനുള്ള നാലാമത്തെ സ്ഥാനാർഥിപ്പട്ടിക ബിജെപി പുറത്തിറക്കി. പാർട്ടി ജമ്മു കശ്മീർ അധ്യക്ഷൻ രവീന്ദർ റെയ്ന, നൗഷേര മണ്ഡലത്തിൽ മത്സരിക്കും. ഇതടക്കം രണ്ടാം ഘട്ടത്തിൽ വോട്ടെടുപ്പു നടക്കുന്ന മണ്ഡലങ്ങളിലേക്കുള്ള 6 പേരുടെ പട്ടികയാണ് ഇന്നലെ പുറത്തിറക്കിയത്. 3 ഘട്ടങ്ങളായി നടക്കുന്ന തിരഞ്ഞെടുപ്പിലേക്ക് ഇതോടെ 51 സ്ഥാനാർഥികളെ പാർട്ടി പ്രഖ്യാപിച്ചു. അതേസമയം, സ്ഥാനാർഥിപ്പട്ടികയിൽ പ്രതിഷേധം തുടരുകയാണ്. പ്രതിഷേധം കശ്മീരിലേക്കും പടർന്നിട്ടുണ്ട്.