ഇറാൻ കപ്പൽ മറിഞ്ഞ് 6 മരണം; 3 ഇന്ത്യക്കാർ

കുവൈത്ത് സിറ്റി ∙ ഇറാൻ ചരക്കുകപ്പൽ കുവൈത്ത് തീരത്തു മറിഞ്ഞ് 3 ഇന്ത്യക്കാർ ഉൾപ്പെടെ 6 പേർ മരിച്ചു. കപ്പലിൽ 2 മലയാളികൾ ജോലി ചെയ്തിരുന്നതായാണു സൂചന. അപകടസമയത്ത് ഇവർ കപ്പലിലുണ്ടായിരുന്നോ എന്ന കാര്യം സ്ഥിരീകരിച്ചിട്ടില്ല. ഇറാൻ സ്വദേശിയുടെ ഉടമസ്ഥതയിലുള്ള അറബക്തർ എന്ന കപ്പലാണ് ഞായറാഴ്ച അപകടത്തിൽപെട്ടത്. കുവൈത്ത്-ഇറാൻ നാവിക സേനകൾ സംയുക്തമായി നടത്തിയ തിരച്ചിലിൽ 3 മൃതദേഹങ്ങൾ കണ്ടെടുത്തു.