കന്നഡ നടിമാരുടെ പീഡന പരാതി ഫിലിം ചേംബർ കേൾക്കും

ബെംഗളൂരു∙ ലൈംഗിക ആക്രമണത്തെക്കുറിച്ച് കന്നഡ നടിമാരുടെ പരാതി കേൾക്കാൻ കർണാടക ഫിലിം ചേംബർ ഓഫ് കൊമേഴ്സ് 16ന് യോഗം ചേരും. കന്നഡ സിനിമയിൽ സ്ത്രീകൾ നേരിടുന്ന ചൂഷണം അന്വേഷിക്കാൻ സമിതിയെ നിയമിക്കണമെന്ന ആവശ്യം ശക്തമായതോടെ വനിതാ കമ്മിഷൻ നിർദേശത്തെ തുടർന്നാണ് ഫിലിം ചേംബർ പ്രശ്നത്തിൽ ഇടപെട്ടത്. ചൂഷണത്തെക്കുറിച്ച് 2018ൽ തന്നെ ആരോപണമുന്നയിച്ച ശ്രുതി ഹരിഹരൻ ഉൾപ്പെടെയുള്ള നടിമാർ കഴിഞ്ഞ ദിവസം മുഖ്യമന്ത്രിയെയും സന്ദർശിച്ചിരുന്നു.