യുഎൻ പഴയ കാലത്തിന്റെ തടവറയി‍ൽ: ഇന്ത്യ

ന്യൂയോർക്ക് ∙ ഐക്യരാഷ്ട്ര രക്ഷാസമിതിയിലെ അംഗത്വരീതി മാറണമെന്നും കാലത്തിനൊത്തു സംവിധാനം പരിഷ്കരിക്കണമെന്നും ഇന്ത്യയുടെ വിദേശകാര്യ മന്ത്രി എസ്. ജയശങ്കർ ആവശ്യപ്പെട്ടു. യുഎൻ ആസ്ഥാനത്ത് വിദേശകാര്യമന്ത്രിമാരുടെ സമ്മേളനത്തിലാണ് രക്ഷാസമിതി വിപുലീകരിക്കണമെന്ന ഇന്ത്യയുടെ ആവശ്യം ജയശങ്കർ ആവർത്തിച്ചത്. 

ഏഷ്യ, ആഫ്രിക്ക, ലാറ്റിനമേരിക്ക എന്നിവയുൾപ്പെടുന്ന ദക്ഷിണലോകത്തിന് വേണ്ടപോലെ പ്രാതിനിധ്യമില്ലാത്തത് അനീതിയാണ്. രക്ഷാസമിതിയിലെ അംഗത്വ വിഭാഗങ്ങൾ രണ്ടും വിപുലീകരിക്കണം. അല്ലെങ്കിൽ 15 അംഗ സമിതിക്ക് ഇപ്പോഴുള്ള പോരായ്മകൾ അതേപടി തുടരും– ജയശങ്കർ ചൂണ്ടിക്കാട്ടി.