യുഎസ് വീസ: 2.5 ലക്ഷം പേർക്കുകൂടി അവസരം

ന്യൂഡൽഹി ∙ രാജ്യത്തെ യുഎസ് കോൺസുലേറ്റുകളിൽ 2.5 ലക്ഷം വീസ അഭിമുഖങ്ങൾക്കുകൂടി അവസരം. വിദ്യാർഥികൾ, വിനോദസഞ്ചാരികൾ, ജോലിക്കാർ എന്നിവർക്കെല്ലാം ഇതിന്റെ നേട്ടം ലഭിക്കും. 

പ്രധാനമന്ത്രി നരേന്ദ്ര മോദിയുടെ യുഎസ് സന്ദർശനത്തിനു പിന്നാലെയാണ് അധിക അവസരങ്ങൾ ഉൾപ്പെടുത്തിയിരിക്കുന്നത്.  ഈ വർഷം ഇതുവരെ 10 ലക്ഷം വീസ അഭിമുഖങ്ങൾ രാജ്യത്തെ യുഎസ് കോൺസുലേറ്റുകളിൽ അനുവദിച്ചുവെന്നാണു വിവരം.