ആഗോള പ്രകൃതി സംരക്ഷണം: ഇന്ത്യ 176-ാം സ്ഥാനത്ത്

ന്യൂഡൽഹി ∙ ആഗോള പ്രകൃതി സംരക്ഷണ സൂചികയിൽ ഏറ്റവും മോശം പ്രകടനം നടത്തുന്ന 5 രാജ്യങ്ങളിലൊന്നായി ഇന്ത്യ. 180 രാജ്യങ്ങളുള്ള പട്ടികയിൽ 176-ാം സ്ഥാനത്താണ് ഇന്ത്യ. യുഎസ് 37–ാം സ്ഥാനത്തും ചൈന 164–ാം സ്ഥാനത്തുമാണ്. 

∙ ആദ്യ 3 സ്ഥാനക്കാർ: ലക്സംബർഗ്, എസ്റ്റോണിയ, ഡെൻമാർക്ക് 

∙ ഏഷ്യൻ രാജ്യങ്ങളിൽ മുന്നിൽ: ഭൂട്ടാൻ (37) 

∙ ഇന്ത്യയ്ക്കു പിന്നിലുള്ള രാജ്യങ്ങൾ: മൈക്രോനീഷ്യ, ഇറാഖ്, തുർക്കി 

∙ അടിസ്ഥാനമാക്കിയത്: വേൾഡ് വൈൽഡ്‌ലൈഫ് ഫണ്ട് പുറത്തുവിട്ട സൂചിക. ഭൂവിനിയോഗം, ജൈവ വൈവിധ്യ ഭീഷണികൾ, ഭരണശേഷി, ഭാവി സംരക്ഷണ പദ്ധതികൾ . 

സർക്കാരിന്റെ പരാജയം: കോൺഗ്രസ്

സൂചികയിലെ ഇന്ത്യയുടെ സ്ഥാനം മോദി സർക്കാരിന്റെ പരാജയമാണെന്നും ഇനി ബിജെപി, ഈ സൂചിക രാജ്യത്തിനെതിരായ ഗൂഢാലോചന എന്നു പറഞ്ഞു തള്ളിക്കളയുമോയെന്നും കോൺഗ്രസ് വിമർശിച്ചു.